miércoles, 28 de enero de 2015

TPA y Política Llingüística, ola k ase? (VI): "Sesame Street" euskaldún



Txantxariak telebista ye un programa infantil que surdió d'una iniciativa de les televisiones locales en vascu y la Diputación Foral de Guipuzkoa. Esti proyectu, que respuende a la falta de programes infantiles producíos en vascu, básase en Sesame Street y ta dirixíu a neños d’ente 3 y 8 años. El programa quier dar a conocer la importancia de los xuegos y cantares tradicionales vascos y qu’asina puedan facese depués na cai -sitiu que se muestra como un requexu pa la socialización de les persones-.

L’espaciu afala, ente otros, les rellaciones ente iguales y desiguales, el respetu hacia l’individuu o la vivencia de los placeres cotidianos, como la nueche, dormir, mieos, decisiones, enfermedaes, música, vieyera, reciclaxe, fallos, deseos, suaños, enfotos, idiomes… Asina, quier que los neños pasen tiempu de folgar nun idioma que davezu namás tien usu nes clases.

L’espaciu estrenóse a les 20.00 hores del 24 d’avientu del 2014 y la primer temporada tuvo cinco emisiones retresmitíes mentes les fiestes navidiegues. Cuasi un añu depués y por mor de l’acoyida, emitióse la segunda temporada, que tien 12 capítulos de media hora y que s’emite los sábados a les 15.30 hores. Amás, los capítulos tán disponibles en www.txantxariak.com.

No hay comentarios.:

Publicar un comentario