TPA y Política Llingüística, ola k ase? (y IV): Series nueves

La programación infantil de les televisiones autonómiques coincide coles comides; almuerzu, xinta y cena. Nesos horarios articúlense bloques temáticos que van dende los neños n’edá preescolar hasta’l públicu xuvenil. Otra manera, la emisión inclúi les meyores producciones de l’animación xaponesa y series clásiques que fixeron historia nel mundu de los dibuxos animaos. Asina, TVG, ETB y TV3 tienen actualmente n’emisión producciones como L’abeya Maya, Los Picapiedra o Vickie’l viquingu. Con too, la programación infantil nun se compón namás d'anime y series de la xeneración de los nuestros pas. Tamién inclúi series nueves que nun s’emitieron enxamás n’otra canal. Estes son dalgunes de les qu’actualmente tán n’emisión y que TPA podría emitir al pertenecer a la FORTA.

The Super Hero Squad Show

Serie norteamericana de dibuxos animaos producida por Marvel Animation ente 2009 y 2011. Con 52 capítulos de 24 minutos, retrata a los personaxes del Universo Marvel nuna caricatura con personaxes de diseñu amenorgáu.

Capítulu en gallegu.

Monster Allergy

Serie italiana de 52 capítulos de 22 minutos estrenada nel 2007 y que fala d’un neñu que por mor de les alerxes que tien pue ver toa clase de monstruos.

Capítulu en gallegu.

Totally Spies!

Producción francesa estrenada orixinalmente nel 2001. Los son 156 capítulos de 22 minutos falen de les aventures de tres adolescentes que viven una doble vida como espíes d’una organización internacional.

Capítulu en vascu.

Les Mystères d'Alfred

Esta animación franco-canadiense fala de tres animales antropomórficos que resuelven misterios. Tien 26 capítulos d’once minutos.

Capítulu en gallegu.