Hai años, cuando la canal francesa TF1 contrató al periodista de raza negra Harry Roselmack pa presentar l'informativu, los diarios de toa Europa fixéronse ecu de la noticia. Nun yera'l primeru, los informativos de les televisiones públiques France 2 y France 3 yá tuvieren presentadores d'orixe africanu y arxelinu. Sicasí, Roselmack yera'l primer presentador negru en ponese delantre del informativu con más audiencia de Francia, polo que se convirtió nun símbolu d'integración racial nun Estáu que, precisamente, nun podía presumir d'ello.
Esta selmana, Toni Cruanyes convirtióse na cara qu’abanderó la etapa nueva de los informativos de TV3 y dende esti llunes empezó presentar el Tenenoticies vespre. Esta etapa coincide, amás, col trenta aniversariu del Telenoticies y con una época de transición en Cataluña. El periodista ye exdirector d'Avui y foi xefe d’internacional y corresponsal de TV3 en París. Tamién ye autor de llibros como De Tony Blair a Zapatero. Una autòpsia de l'esquerra europea o Un antídot contra l'extrema dreta. Amás, l'home que presenta l’informativu con más audiencia de Cataluña, ye abiertamente gai.
No hay comentarios.:
Publicar un comentario