“High School Musical” a la vasca

Go!azen (¡Vamos!) ye una producción propia d’ETB centrada nes aventures d’un grupu d’adolescentes que conviven nun campamentu de branu católicu –Jaungoikua eta Lege zarra- y que foi too un fenómenu social nel so país d’orixe. Asina, llegó a axuntar al 42,1% de los neños vascos d’ente 4 y 12 años, amás de triplicar l’audiencia media d’ETB1. La serie foi la continuación d’una TV movie del mesmu títulu, qu’amás se convirtió na primer película musical en vascu y na cinta más vista na cadena dende 1998. Amás, nel so primer mes nes tiendes, la película vendió 8.000 DVDs y 6.000 CDs. Too un éxitu ensin precedentes na industria cultural vasca. La clave foi l’apueste pola música y el baille, una fórmula que yá funcionó en tol mundu coles series americanes High School Musical o Glee, pero que nesti casu tamién ayudó a fomentar l’usu –y consumu musical– d’un idioma.